Notkunarskilmálar

Almennt

Skilmálar þessir gilda um notkun á Fagmaðurinn appinu, vefsíðu þess og tengdri þjónustu. Með því að stofna aðgang eða nota þjónustuna samþykkir notandi að fylgja skilmálunum.

Ef notandi samþykkir skilmálana fyrir hönd fyrirtækis staðfestir hann að hann hafi heimild til þess. Skilmálarnir gilda samhliða persónuverndarupplýsingum Fagmannsins.

Hlutverk þjónustunnar

Fagmaðurinn er stafrænn vettvangur sem tengir verkkaupa við fagmenn og fyrirtæki. Verkkaupar geta skráð verkefni, fagmenn og fyrirtæki geta sýnt áhuga og aðilar geta átt samskipti í gegnum appið.

Fagmaðurinn er ekki verkkaupi, verktaki, vinnuveitandi eða aðili að samningi um framkvæmd verks. Samningur um verð, umfang, tíma, ábyrgðir og önnur kjör er gerður beint milli verkkaupa og þess fagmanns eða fyrirtækis sem tekur verkið að sér.

Aðgangur og réttar upplýsingar

Notandi ber ábyrgð á að upplýsingar sem hann skráir séu réttar, fullnægjandi og uppfærðar. Aðgangur er persónubundinn og óheimilt er að láta öðrum í té innskráningarupplýsingar eða nota aðgang annars aðila.

Notandi skal tilkynna Fagmanninum án tafar ef grunur vaknar um óheimilan aðgang eða misnotkun. Fagmaðurinn getur óskað eftir upplýsingum sem nauðsynlegar eru til að staðfesta auðkenni, hlutverk eða réttindi notanda.

Staðfesting starfsréttinda

Aðeins fagmenn með staðfest sveinspróf eða meistararéttindi í viðkomandi iðngrein geta fengið staðfestan fagaðgang og tekið þátt í verkefnum eftir þeim reglum sem gilda í appinu.

Staðfesting starfsréttinda byggist eingöngu á opinberum upplýsingum í listum yfir sveina og meistara sem birtir eru á Ísland.is ↗. Við staðfestingu eru upplýsingar notanda bornar saman við viðkomandi opinberan lista og viðeigandi iðngrein.

Ef fagmaður er ekki skráður á viðkomandi lista yfir sveina eða meistara á Ísland.is er ekki hægt að staðfesta fagaðgang hans í Fagmanninum. Önnur gögn eða staðfestingar koma ekki í stað skráningar á hinum opinberu listum.

Ef upplýsingar á Ísland.is eru rangar, úreltar eða vantar þarf viðkomandi að láta leiðrétta opinberu skráninguna áður en staðfesting getur farið fram. Fagmaðurinn getur hvorki breytt opinberu listunum né staðfest réttindi sem þar koma ekki fram.

Staðfestingin staðfestir aðeins skráð starfsréttindi. Hún felur ekki í sér ábyrgð Fagmannsins á vinnubrögðum, verðlagningu, tryggingum, leyfum, tiltækileika eða efndum viðkomandi.

Verkefni, tilboð og samningar

Verkkaupi ber ábyrgð á að lýsing verkefnis sé rétt og nægilega skýr. Fagmaður eða fyrirtæki ber ábyrgð á að meta verkefnið, afla nauðsynlegra upplýsinga og gera verkkaupa grein fyrir verði, skilmálum og forsendum áður en samningur er gerður.

Aðilar bera sjálfir ábyrgð á samningi sínum, samskiptum, greiðslum, reikningum, sköttum, tryggingum, leyfum og því að verkið sé unnið samkvæmt lögum og faglegum kröfum. Fagmaðurinn ákveður hvorki verð né önnur viðskiptakjör milli aðila.

Áskriftir og greiðslur

Skráning verkefna er verkkaupum að kostnaðarlausu. Aðgangur fagmanna og fyrirtækja að tilteknum eiginleikum kann að vera háður gjaldskyldri áskrift eða prufutímabili samkvæmt upplýsingum sem birtast í appinu við kaup.

Áskriftir sem keyptar eru í gegnum App Store eða Google Play eru innheimtar og endurnýjaðar samkvæmt skilmálum viðkomandi appverslunar. Notandi stýrir uppsögn í áskriftarstillingum Apple- eða Google-aðgangs síns. Eyðing apps eða notandaaðgangs stöðvar ekki sjálfkrafa virka áskrift.

Verð, innifalin þjónusta og lengd prufutímabila geta breyst. Breytingar taka gildi samkvæmt þeim upplýsingum og fyrirvara sem birtast við kaup eða endurnýjun og lög krefjast.

Fyrirtækjaaðgangur

Fyrirtæki sem notar Fagmanninn þarf að hafa að minnsta kosti einn staðfestan fagmann tengdan fyrirtækinu. Fyrirtækið og umsjónarmaður aðgangsins bera ábyrgð á að skráðir starfsmenn, hlutverk og fagupplýsingar séu réttar.

Fagaðgangur einstaklings er áfram persónubundinn þótt hann tengist fyrirtæki. Fyrirtæki ber ábyrgð á verkefnum sem það tekur að sér og á að þeir starfsmenn sem vinna verkin hafi nauðsynleg réttindi og heimildir.

Efni, samskipti og umsagnir

Notandi ber ábyrgð á texta, myndum, skilaboðum, umsögnum og öðru efni sem hann setur inn. Efnið skal vera málefnalegt, réttmætt og ekki brjóta gegn réttindum annarra.

Með birtingu veitir notandi Fagmanninum nauðsynlega, óframseljanlega heimild til að vista, vinna og birta efnið innan þjónustunnar í þeim tilgangi að reka hana. Umsagnir skulu lýsa raunverulegri reynslu og vera settar fram af sanngirni.

Fagmaðurinn getur fjarlægt efni sem brýtur gegn skilmálum, lögum eða réttindum annarra, eða sem telst villandi, óviðeigandi eða skaðlegt fyrir þjónustuna.

Heimil notkun

Óheimilt er að misnota þjónustuna, gefa rangar upplýsingar, villa á sér heimildir, áreita aðra, birta ólöglegt efni, reyna að komast inn á aðganga eða kerfi annarra, trufla virkni eða nýta þjónustuna til svika.

Einnig er óheimilt að afrita, safna sjálfvirkt eða endurnýta upplýsingar úr þjónustunni í viðskiptalegum tilgangi án skriflegs samþykkis Fagmannsins.

Ábyrgð og takmarkanir

Fagmaðurinn leitast við að halda þjónustunni öruggri og aðgengilegri en getur ekki ábyrgst að hún verði alltaf órofin eða villulaus. Þjónustan kann að liggja niðri tímabundið vegna viðhalds, uppfærslna eða atvika utan stjórnunar Fagmannsins.

Fagmaðurinn ber ekki ábyrgð á samningum milli notenda, framkvæmd verka, gæðum, töfum, tjóni, greiðslum eða ágreiningi sem verður milli verkkaupa, fagmanna eða fyrirtækja. Ekkert í skilmálunum takmarkar þó lögbundin réttindi neytenda eða ábyrgð sem ekki verður undanþegin samkvæmt íslenskum lögum.

Hugverkaréttindi

Öll réttindi að hugbúnaði, myndmerkjum, hönnun, útliti, textum, grafík, gagnagrunnum og öðru efni sem tilheyrir þjónustu Fagmannsins eru áskilin að því marki sem þau njóta verndar samkvæmt gildandi lögum.

Notendum er óheimilt, án skriflegs samþykkis Fagmannsins, að afrita, dreifa, birta, breyta, endurnýta, selja, leigja eða hagnýta hugbúnað, myndmerki, texta, grafík, gagnagrunna eða annað verndað efni þjónustunnar í atvinnuskyni, nema slík notkun sé heimil samkvæmt ófrávíkjanlegum ákvæðum laga.

Óheimilt er að framkvæma bakkóðun, afþýðingu, sundurgreiningu eða aðrar sambærilegar aðgerðir á hugbúnaði Fagmannsins, nema og að því marki sem slíkt er sérstaklega heimilt samkvæmt ófrávíkjanlegum ákvæðum laga.

Fagmaðurinn er stafrænn hugbúnaðar- og miðlunarvettvangur sem auðveldar samskipti milli verkkaupa og sjálfstæðra fagmanna eða fyrirtækja. Fagmaðurinn tekur ekki sjálfur að sér verklegar framkvæmdir, veitir ekki iðnaðar- eða verktakaþjónustu og verður ekki aðili að samningum sem notendur gera sín á milli.

Ekkert í þessum skilmálum felur í sér framsal hugverkaréttinda eða leyfi til notkunar þeirra umfram það sem nauðsynlegt er til eðlilegrar notkunar þjónustunnar.

Persónuvernd

Meðferð persónuupplýsinga fer samkvæmt persónuverndarupplýsingum Fagmannsins. Notendur eru hvattir til að kynna sér þær áður en þjónustan er notuð.

Apple, Google Play og aðrar appverslanir

Notkun appsins kann, eftir því hvaðan því er hlaðið niður, einnig að vera háð skilmálum viðkomandi appverslunar.

Fyrir iOS-útgáfu Fagmannsins gildir, að því marki sem við á, staðlaður notendaleyfissamningur Apple:

Staðlaður notendaleyfissamningur Apple (EULA) ↗

Fyrir Android-útgáfu Fagmannsins gilda jafnframt skilmálar Google Play:

Notkunarskilmálar Google Play ↗

Kaup og áskriftir sem stofnað er til í gegnum App Store eða Google Play eru afgreidd samkvæmt greiðslu-, endurnýjunar-, uppsagnar- og endurgreiðslureglum viðkomandi appverslunar. Eyðing appsins af tæki stöðvar ekki sjálfkrafa virka áskrift. Upplýsingar um uppsögn Google Play-áskrifta má finna í hjálparmiðstöð Google Play ↗.

Apple og Google eru dreifingar- og greiðsluþjónustuaðilar en eru ekki aðilar að verkefnum, samskiptum eða samningum sem stofnast milli verkkaupa, fagmanna og fyrirtækja í Fagmanninum.

Breytingar, stöðvun og lokun

Fagmaðurinn getur þróað, breytt eða hætt einstökum eiginleikum þjónustunnar. Ef verulegar breytingar verða á skilmálunum verður leitast við að tilkynna þær með hæfilegum fyrirvara.

Heimilt er að takmarka, stöðva eða loka aðgangi sem brýtur gegn skilmálunum, ógnar öryggi þjónustunnar eða réttindum annarra. Notandi getur óskað eftir lokun aðgangs, en þarf sjálfur að segja upp virkri áskrift hjá Apple eða Google.

Gildandi lög og ágreiningur

Um skilmálana og notkun þjónustunnar gilda íslensk lög. Aðilar skulu fyrst leitast við að leysa ágreining með beinum samskiptum. Takist það ekki má bera ágreining undir þar til bæran íslenskan dómstól eða viðeigandi úrskurðaraðila samkvæmt lögum.